விக்கிலீக்ஸ் இணைய சர்ச்சையில் உள்ள அம்பாறை அரச அதிபர் இரத்தினபுரிக்கு இடமாற்றம்

 

 

அம்பாறை மாவட்ட அரசாங்க அதிபர் சுனில் கன்னங்கரா உடனடியாக இரத்தினபுரி மாவட்ட அரசாங்க அதிபராக பொது நிருவாக அமைச்சினால் இடமாற்றம் செய்யப்பட்டுள்ளார்.

அம்பாறை மாவட்ட புதிய அரசாங்க அதிபராக வடமத்திய மாகாண பிரதிப் பிரதம செயலாளராக கடமையாற்றிய இலங்கை நிருவாக சேவையின் மூத்த அதிகாரி நீல் டி அல்விஸ் நியமிக்கப்பட்டுள்ளார்.

இவர் நாளை 14ம் திகதி திங்கட்கிழமை கடமையேற்றவுள்ளார்.

2007ம் ஆண்டு முதல் அம்பாறை மாவட்ட அரசாங்க அதிபராக கடமையாற்றிய சுனில் கன்னங்கரா 2010 ம் ஆண்டு இடம்பெற்ற ஜனாதிபதி தேர்தல் தொடர்பாக உண்மைக்கு புறம்பான தகவல்களை அமெரிக்க தூதுவர் பெட்ரிஸியாவிடம் தெரிவித்ததாக´விக்கிலீக்ஸ்´ இணையதளத்தில் செய்தி வெளியானதையடுத்து விசாரணை இடம்பெற்று வருகின்றது.

இந்த நிலையில் இவ் இடமாற்றம் வழங்கப்பட்டுள்ளமை குறிப்பிடத்தக்கது.