ஜனாதிபதி மஹிந்தவின் பிறந்த தினத்தை முன்னிட்டு நாடு பூராவும் 11 இலட்சம் மரக்கன்றுகள்; சாய்ந்தமருதிலும் வைபவம்

Tuesday, 15 November 2011

ஜனாதிபதி மஹிந்த ராஜபக்ஷவின் 65ஆவது பிறந்த தினம் மற்றும் ஜனாதிபதியாகப் பதவியேற்று இரண்டு வருட பூர்த்தி என்பவற்றை முன்னிடடு தயட்ட செவன திட்டத்தின் கீழ் நாடு பூராகவும் 11 இலட்சம் பயன்தரு மரக்கன்றுகள் இன்று நடப்பட்டன. இதன் பிரகாரம் அம்பாரை மாவட்டத்திலுள்ள 20 பிரதேச செயலகப் பிரிவுகளிலும் பிரதேச செயலாளர்களின் தலைமையில் மரநடு நிகழ்வுகள் இடம்பெற்றன.

சாய்ந்தமருது பிரதேச செயலகப் பிரிவில் இடம்பெற்ற மரநடுகை நிகழ்வில் பிரதேச செயலாளர் ஏ.எல்.எம்.சலீம், உதவி பிரதேச செயலாளர் எம்.ஐ.எம்.தௌபீக், தேசிய இளைஞர் சேவைகள் மன்றத்தின் மாகாண பணிப்பாளர் கே.தவராஜா, இளைஞர் பாராளுமன்ற உறுப்பினர் ஏ.ஜி.அன்வர் உட்பட இளைஞர் சேவை அதிகாரிகள், கிராம சேவை உத்தியோகத்தர்கள், சமுர்த்தி அபிவிருத்தி உத்தியோகத்தர்கள் என பலரும் கலந்து கொண்டனர்.