எதிர்வரும் 09ஆம் திகதி தென்கிழக்கு பல்கலைக்கழகத்தின் தொழிற் சந்தை நிகழ்வு

(அப்துல் அஸீஸ்)

தென்கிழக்கு பல்கலைக்கழகத்தின் தொழில் வழிகாட்டல் பிரிவினால் நடாத்தப்படவுள்ள 2012ஆம் ஆண்டிற்கான தொழிற் சந்தை நிகழ்வு எதிர்வரும் 09ஆம் திகதி புதன்கிழமை பல்கலைக்கழக ஒலுவில் வளாகத்தில் இடம்பெறவுள்ளது.

தொழில் வாய்ப்புக்களை தேடிக்கொள்ளல், பயிலுனர்களாக இணைத்துக்கொள்ளல், உள்நாட்டு நிறுவனங்கள் பற்றி அறிந்துகொள்ளல் ஆகிய நோக்கங்களின் அடிப்படையில் இந்த தொழிற் சந்தை நடைபெறவுள்ளது.

காலை 8.30 மணி முதல் மாலை 4.30 மணி வரை இடம்பெறவுள்ள இந்நிகழ்வில் கலந்துகொள்ள விரும்புபவர்கள் தங்களின் சுயவிபரக் கோவை மற்றும் ஆவணங்களுடன் வருகை தருமாறு அழைப்புவிடுக்கப்பட்டுள்ளது.