November 13, 2011 07:02 pm
உலக நீரிழிவு தினத்தை முன்னிட்டு சம்மாந்துறை அன்வர் இஸ்மாயில் ஞாபகார்த் ஆதார வைத்தியசாலையின் ஏற்பாட்டில் நீரிழிவு நோய் தொடர்பாக விழிப்பூட்டும் நிகழ்வுகள் இன்று இடம்பெற்றது.
வைத்தியசாலை முன்றலிலிருந்து ஆரம்பமான விழிப்புணர்வு வீதி ஊர்வலம் பிரதான பாதை வழியாக அப்துல் மஜீத் மண்டபத்தை சென்றடைந்தது.
இதன்போது விழப்புணர்வுக் கண்காட்சி, பொது மக்களுக்கான இலவச குருதி அமுக்கப் பரிசோதனைகள், விழிப்புணர்வுக் கருத்தரங்குகள் என்பனவும் இடம்பெற்றது.
சம்மாந்துறை அன்வர் இஸ்மாயில் ஞாபகார்த்த ஆதார வைத்தியசாலையின் வைத்திய அத்தியட்சகர் டொக்டர்.ஏ.இஸ்ஸதீன் தலைமையில் இடம்பெற்ற இந்நிகழ்வில் சம்மாந்துறை பிரதேச சபையின் தவிசாளர் ஏ.எம்.எம்.நௌஷாட், சம்மாந்துறை பொலிஸ் நிலையப் பொறுப்பதிகாரி ஜயந்த தஹாநாயக்க உட்பட வைத்தியர்கள்,தாதியர்கள், வைத்தியசாலை ஊழியர்கள், பொது மக்கள் என பலரும் கலந்து கொண்டனர்.
ஜனாதிபதி மஹிந்த ராஜபக்ஷவின் 65ஆவது பிறந்த தினம் மற்றும் ஜனாதிபதியாகப் பதவியேற்று இரண்டு வருட பூர்த்தி என்பவற்றை முன்னிடடு தயட்ட செவன திட்டத்தின் கீழ் நாடு பூராகவும் 11 இலட்சம் பயன்தரு மரக்கன்றுகள் இன்று நடப்பட்டன. இதன் பிரகாரம் அம்பாரை மாவட்டத்திலுள்ள 20 பிரதேச செயலகப் பிரிவுகளிலும் பிரதேச செயலாளர்களின் தலைமையில் மரநடு நிகழ்வுகள் இடம்பெற்றன.
அம்பாறை மாவட்ட புதிய அரசாங்க அதிபராக நியமிக்கப்பட்டுள்ள நீல் டி அல்விஸ் இன்று திங்கட்கிழமை மாவட்டச் செயலகத்தில் தனது கடமைகளை உத்தியோக பூர்வமாக பொறுப்பேற்றுக்கொண்டார்.
இலங்கை பாடசாலை உதைபந்தாட்ட சங்கம் நடாத்தும் பத்தொன்பது வயதுக்கு கீழ்பட்ட அகில இலங்கை ரீதியிலான உதைபந்தாட்டப் போட்டியின் இரண்டாம் கட்டம் முதல் தடவையாக கிழக்கு மாகாணத்தில் கல்முனை சாஹிரா தேசிய பாடசாலை மைதானத்தில் நேற்று ஆரம்பித்து வைக்கப்பட்டது.
இலங்கை சட்ட உதவி ஆணைக்குழுவின் கல்முனை பிராந்திய அலுவலகத்தின் ஏற்பாட்டில் சாய்ந்தமருதில் சட்ட சட்டசேவையும் விளிப்புணர்வுச் செயலமர்வும் எதிர்வரும் 13ம் திகதி ஞாயிற்றுக் கிழமை காலை 8.30 தொடக்கம் 12.00மணி வரைக்கும் சாய்ந்தமருது பிரதேச செயலக கேட்போர் கூடத்தில் நடை பெறவுள்ளதாக இலங்கை சட்ட உதவி ஆணைக்குழுவின் கல்முனை பிராந்திய இணைப்பாளர் சட்டத்தரணி எம்.ரீ.சபீர் அஹமட் தெரிவித்துள்ளார்.
