கிழக்கு மாகாணத்தில் தேசிய போக்குவரத்து ஆணைக்குழு ” சிசுசெரிய ” போக்குவரத்து சேவையினை ஆரம்பிக்க நடவடிக்கை.

கிழக்கு மாகாணத்திலுள்ள போக்குவரத்து வசதிகள் குறைவாகவுள்ள மிகவும் பின்தங்கிய பாடசாலை மாணவர்களின் போக்குவரத்து வசதியினை மேம்மபடுத்தும் நோக்கில் தேசிய போக்குவரத்து ஆணைக்குழு ” சிசுசெரிய ” போக்குவரத்து சேவையினை ஆரம்பிக்க நடவடிக்கை எடுத்துள்ளது.

போக்குவரத்து வசதிகள் இல்லாத காரணத்தினால் அதிகளவிலான பின்தங்கிய பிரதேசங்களிலுள்ள மாணவர்கள் பாடசாலைக்கு செல்ல முடியாமல் தமது கல்வியை இடைநிறுத்திக் கொள்வதுடன் பொருளாதார கஷ்டநிலை காரணமாக தமது பெற்றோருடன் கூலி வேலைகளிலும் இணைந்து கொள்கின்றனர்.
சில பிரதேசங்களில் குடியிருப்புகள் அமைந்துள்ள இடத்திலிருந்து பல கிலோ மீற்றருக்கு அப்பால் பாடசாலைகள் அமைந்துள்ளதனால் தூரம் காரணமாக மாணவர்களின் வரவில் பாரிய வீழ்ச்சி ஏற்பட்டுள்ளது.
இவ்வாறான விடயங்களை கருத்திற் கொண்ட தேசிய போக்குவரத்து ஆணைக்குழு மாணவர்களின் போக்குவரத்து வசதிகளை மேம்படுத்தும் நோக்கில் ”சிசுசெரிய ” திட்டத்தின் கீழ் திருகோணமலை மாவட்டத்தில் 12 பஸ்களையும் இ மட்டக்களப்பு மாவட்டத்தில் 14 பஸ்களையும் இ அம்பாறை மாவட்டத்தில் 18 பஸ்களையும் சேவையில் ஈடுபடுத்த திட்டமிட்டுள்ளது.
ஆரம்பத்தில் பரீட்சாத்தமாக நடாத்தப்படவிருக்கும் இவ் பஸ் சேவை வெற்றியளிக்கும் பட்சத்தில் ஏனைய பிரதேசங்களுக்கும் இச்சேவை விஸ்தரிக்கப்படவுள்ளதாக என தேசிய போக்குவரத்து ஆணைக்குழுவின் பணிப்பாளர் எம்.எச்.உயதகுமார தெரிவித்தார்.

கல்முனை மாநகரசபைஇன் கீழ் ஆயுர் வேத வைத்தியசாலை திறப்புவிழா

கல்முனை மாநகரசபைஇன் கீழ் ஆயுர் வேத வைத்தியசாலை திறப்புவிழா
கல்முனை மாநகரசபை  முதல்வர்
கௌரவ  செனட்டர்
  அல்ஹாஜ் S.Z.M .மசூர் மௌலானா (Bcom,JPUM)  அவர்களின் அழைப்பின் பேரில்

நான்கு பேர் அம்பாறை வைத்தியசாலைக்கு மாற்றம்

சம்மாந்துறை தாருசலாம் மகாவித்தியாலயத்தில் நீர் நஞ்சானதால் சம்மாந்துறை ஆதார வைத்தியசாலையில் அனுமதிக்கப்பட்டவர்களுள் நால்வர் அம்பாறை வைத்தியசாலைக்கு மாற்றப்பட்டுள்ளதாக எமது செய்தியாளர் தெரிவித்துள்ளார்.

சாய்ந்தமருதில் உணவகங்கள் மற்றும் வெதுப்பகங்களில் (வேக்கரி) தொழில் புரியும் உணவு உற்பத்தியாளருக்கான செயலமர்வு

அம்பாறை மாவட்டத்திலுள்ள உணவகங்கள் மற்றும் வெதுப்பகங்களில் (வேக்கரி) தொழில் புரியும் உணவு உற்பத்தியாளருக்கான சுத்தமான,
சுகாதாரமான உணவுகளை உயர்ந்த போசாக்குடன் குறைந்த விலையில் உற்பத்தி செய்து பொதுமக்களுக்கு வழங்குவது சம்மந்தமாக விளக்கமளிக்கும் செயல்முறை செயலமர்வொன்று இன்று சாய்ந்தமருது பரடைஸ் வரவேற்பு மண்டபத்தில் இடம்பெற்றது.

பாடசாலைகளுக்கிடையிலான 19 வயதுக்குட்பட்ட ஆண்களுக்கான சதுரங்க போட்டியில் கல்முனை ஸாஹிரா தேசியக்கல்லூரி சம்பியன்

கிழக்கு மாகாண பாடசாலைகளுக்கிடையிலான 19 வயதுக்குட்பட்ட ஆண்களுக்கான சதுரங்க போட்டியில் கல்முனை ஸாஹிரா தேசியக்கல்லூரி சம்பியன்களாக தெரிவு செய்யப்பட்டு தேசிய மட்டப்போட்டிக்கு தெரிவு செய்யப்பட்டுள்ளனர்.

மட்டக்களப்பு புனித மைக்கல் கல்லூரி உள்ளக அரங்கில் கடந்த சனிக்கிழமை இடம்பெற்ற மேற்படி போட்டியின் போதே கல்முனை ஸாஹிரா தேசியக்கல்லூரி வெற்றி பெற்றது.

ஊடகவியலாளருக்கு கல்முனை மாநகர சபை செயலாளர் அச்சுறுத்தல்

செவ்வாய்க்கிழமை, 05 ஜூலை 2011 16:47

கல்முனை மாநகர சபையின் செயலாளர் எம்.ஏ.எம்.அலாவுதீன் பிராந்திய ஊடகவியலாளரான யூ.எல்.மப்றூகை இன்று செவ்வாய்க்கிழமை தொலைபேசி மூலம் அச்சுறுத்தியதாக கல்முனை பொலிஸ் நிலையத்தில் முறைப்பாடு செய்யப்பட்டுள்ளது.

ஊடகவியலாளர் மப்றூகிற்கு அச்சுறுத்தல் அழைப்பு வந்த தொலைபேசி இலக்கத்திற்கு கல்முனை பொலிஸ் நிலைய சிறுகுற்ற தடுப்பு பிரிவு பொறுப்பதிகாரி சமந்த தொடர்புகொண்டு விசாரணை நடத்தினார்.

ஆப்போது, கல்முனை மாநகர சபையின் செயலாளர் எம்.ஏ.எம்.அலாவுதீன், தனது தொலைபேசியில் தொடர்புகொண்டு மப்றூகை அச்சுறுத்தியதாக மாநாகர சபை உத்தியோகஸ்தர் ஒருவர் தெரிவித்துள்ளார்.  

கல்முனை நகரில் நேற்று திங்கட்கிழமை அதிகாலை ஏற்பட்ட தீ விபத்து தொடர்பில் கல்முனை மாநகர சபையின் தீயணைப்பு பிரிவு முறையாக செயற்படவில்லை என கடை உரிமையாளர்கள் தெரிவித்ததை செய்தி எழுதியமேயே இவர் அச்சுறுத்தப்பட்டமைக்கான காரணம் என தெரியவருகின்றது.
இது தொடர்பான மேலதிக விசாரணைகளை கல்முனை பொலிஸார் மேற்கொண்டு வருகின்றனர்

தீ விபத்து குறித்து அறிவித்து 2 மணித்தியாலங்களின் பின்னரே தீயணைப்பு பிரிவினர் வந்தனர்-Govt. Service comedies

Monday, July 04, 2011

கல்முனை நகரில் தீ விபத்து ஏற்பட்ட போது, தாம் - உடனடியாக அருகிலிருந்த மாநகர சபையின் கீழ் இயங்கும் தீயணைப்புப் பிரிவினருக்கு அறிவித்தும் இரண்டு மணி நேரம் தாமதித்தே உரிய இடத்துக்கு தீயணைப்பு பிரிவினர் வருகை தந்ததாக பாதிக்கப்பட்ட வர்த்தக நிறுவனங்களின் உரிமையாளர்கள் விசனம் தெரிவிக்கின்றனர்.

இன்று அதிகாலை 4.30 மணியளவில் கல்முனை நகரில் ஏற்பட்ட தீ விபத்து காரணமாக, அங்கிருந்த இரண்டு வர்த்தக நிலையங்கள் முற்றாக எரிந்து சேதமடைந்தன.

இது தொடர்பில் பாதிக்கப்பட்ட ஆடை விற்பனை நிலைய உரிமையாளர் ஒருவர் தெரிவிக்கையில்

சம்மாந்துறை பாடசாலையில் நீர் நஞ்சானது

சம்மாந்துறை ஷாருசலாம் மகாவித்தியாலயத்தில் நீர் நஞ்சானதில் சுமார் 150 மாணவர்கள் வரை பாதிக்கப்பட்டுள்ளதாக எமது செய்தியாளர் தெரிவித்துள்ளார்.

தற்போது மாணவர்கள் சம்மாந்துறை ஆதார வைத்தியசாலையில் அனுமதிக்கப்பட்டு வருவதாகவும் சுமார் 75 மாணவர்கள் சிகிச்சையின் பின் வீடு திரும்பியுள்ளதோடு ஏனைய 75 மாணவர்களுக்கு சேலைன் ஏற்றப்பட்டு வருவதாகவும் அவர் தெரிவித்துள்ளார்.

சம்பவம் தொடர்பில் மேலதிக விசாரணைகளை சம்மாந்துறை பொலிஸார் மேற்கொண்டு வருகின்றனர்.

சாய்ந்தமருது

கிழக்கே வங்காள விரிகுடாவின் அற்புதக் கடற்கரையினாலும் மேற்கே கரைவாகுப் பசுமையினாலும் வடக்கே கருணையுள்ளங்கொண்ட கல்முனைக்குடியினாலும் தெற்கே மானங்காத்த மாளிகைக்காட்டினாலும் அலங்கரிக்கப்பட்டுக் காணப்படும் சாணக்கியம் 
கொண்ட எமது மண் இந்த சாய்ந்தமருது மண்....இதன் சமூக, சமய, கல்வி, கலாச்சார, அரசியல், மற்றும் இதர விடயங்கள் இவ்விணைவலையமைப்பின் ஊடாக ஆராயப்படும்...

அம்பாறை நிர்வாக மாவட்டத்தின் கல்முனை தேர்தல் தொகுதியில் தனி முஸ்லிம் மக்களை மட்டும் கொண்டிருக்கும் ஓர் ஊர்தான் சாய்ந்தமருதாகும். இது தென்கிழக்குப் பகுதியில் நீண்டகால வரலாற்றுப் பின்னணியைக் கொண்ட ஒரு பழம்பெரும் பிரதேசமாகும். அம்பாறை மாவட்டத்தின் கரையோரப் பிரதேசத்தில் மருதம், நெய்தல் ஆகிய நிலத் திட்டியைக் கொண்டதாக சாய்ந்தமருது அமைந்திருப்பது இவ்வூரின் வளத்தினை எடுத்துக் காட்டுகின்றது.  முதலில் கல்முனை பிரதேச செயலகத்தின் ஒரு பிரிவாக இயங்கி வந்து, 04-02-2001 இலிருந்து சாய்ந்தமருது ஒரு தனி பிரதேச செயலகமாக செயற்பட துவங்கியது.



                                           சாய்ந்தமருது பிரதேச செயலகம்
 
கடந்த2010 ம் ஆண்டின் கணக் கெடுப்பின் பிரகாரம் 7118 குடும் பங்களும்,  27652 மக்கள் சனத் தொகையும் 16, 936 வாக்காளர்களும் இங்கு வாழ்ந்து வருகின்றனர். சனத்தொகையில் ஆண்கள் 50.4% வீதமும், பெண்கள் 49.6% வீதமும் காணப்படுகின்றனர்.மற்றும் பதினேழு கிராம சேவகப் பிரிவுகளை உள்ளடக்கிய ஒரு பிரதேச செயலகத்தையும் கொண்ட ஒரு தொன்மையான பிரதேசமாகவும் சாய்ந்தமருது காணப்படுகின்றது. இதன் சனத்தொகை அடர்த்தி வீதம்3072 / sq.Kmஆகும். 


ஒரு ஜூம்ஆப் பள்ளிவாசல் உட்பட 22 பள்ளிவாசல்கள், ஒரு ஹிப்ளு மத்ரஸா, ஒரு அரபுக் கல்லூரி, ஒரு தேசிய (ஸாஹிரா) பாடசாலை உட்பட 8 பாடசாலைகள், ஒரு கோட்டக் கல்வி அலுவலகம், மக்கள் வங்கி, கிராமிய வங்கி, இலங்கை வங்கிக் கிளை, தனியான பலநோக்குக் கூட்டுறவுச் சங்கம் என்பனவைகளும் இங்குள்ளன.


ஒரு தபால் நிலையம், 3 உப தபால் நிலையங்கள், இரு மாடிகளைக் கொண்ட சந்தைக் கட்டிடங்கள், பாரியளவிலான வர்த்தக நிலையங்கள், பொது நூலகம், தொழில் பயிற்சி நிலையங்கள், ஒரு மாவட்ட வைத்தியசாலை, சுகாதார வைத்திய அதிகாரி அலுவலகம் என்பனவற்றையும் இவ்வூர் கொண்டுள்ளது.

சன சமூக அமைப்புகள், விளை யாட்டுக் கழகங்கள், தன்னார்வ அமைப்புக்கள், இலக்கிய அமைப்புக்கள் போன்றவைகளும் உள்ளன. மற்றும் விளையாட்டு மைதானம், மீன்பிடித் துறைமுகம் என்பன அமைக்கப்பட்டுக் கொண்டிருக்கும் இவ்வூரின் மொத்த நிலப்பரப்பளவு 7சதுர கிலோ மீற்றராகும்.

    இக் கிராமத்தில்தான் இலங்கையின் முதலாவது பயிற்றப்பட்ட முஸ்லிம் பெண் ஆசிரியை பாத்துமுத்து ஹலால்தீன், இலங்கையின் முதலாவது முஸ்லிம் பெண் பல்கலைக் கழக வேந்தர் தேசபந்து ஜெஸிமா இஸ்மாயில், இலங்கையின் முதலாவது முஸ்லிம் பெண் மேல் நீதிமன்ற நீதிபதி ஏ.எல்.என். மைமூனா  ஆகியோர் பிறந்து முஸ்லிம் சமுகத்திற்கு புகழ் தேடித் தந்திருக்கிறார்கள்.

    இது மாத்திரமல்லாமல் சாய்ந்தமருது கிராமம் சரித்திர முக்கியத்துவம் பெற்றுள்ள ஒரு கிராமம் எனவும் அறிவிக்கப்படுகின்றது.

    கடல் வழியாக வந்த ஒல்லாந்தக் குழுவினர் இலங்க்கையில் முதன் முதலாகக் காலடி வைத்த இடம் சாய்ந்தமருது எனத் தெரிவிக்கப்பட்டிருக்கிறது. இது 1602 ஆம் ஆண்டு ஜூன் மாதம் 02 ஆம் திகதி எனவும் குறிப்பிடப்பட்டிருப்பதாகவும், ஒல்லாந்தரது கப்பலொன்றின் தளபதியான ஜொரிஸ் வான் ஸ்பில் பேர்கன் என்பவரே சாய்ந்தமருதில் தரையிறங்கி, பின்னர் சம்மாந்துறையில் தங்கியிருந்து அங்கிருந்து கண்டிக்குச் சென்று முதலாம் விமல தர்ம சூரியன் மன்னனைச் சந்தித்தான்.இப்பயணத்தின் போது மட்டக்களப்பு பிரதேசத்தில் தான் சந்தித்த சோனகர் (Mooren)  மற்றும் துலுக்கர் (Tureken) பற்றியும் தனது நாட் குறிப்பேட்டில் விபரித்துள்ளான். (Journal of Spilbergen 1602- Translation by K.D. Paranavitane-1997 Page 23 ) எனவும் ஆதாரம் காட்டப்படுகின்றது.


சாய்ந்தமருது ஜும்மா பள்ளிவாசல் ஆரம்பகால வரலாறு 

முஸ்லிம்கள் ஓரிடத்தில் குடியேறி அங்கு வாழத் தொடங்கியதும் அவர்கள் வசிப்பதற்குரிய வீடுகள் அமைக்கும் போது பள்ளிவாசல் ஒன்றையும் அமைத்துக் கொள்வது இஸ்லாமிய வரலாறாகும்.
சாய்ந்தமருதில் முஸ்லிம்கள் வாழத் தொடங்கிய காலத்தில் ஊரின் தென் பகுதி காடாக இருந்துள்ளது. அக்காட்டுப்பகுதியில் மரங்களை வெட்டியெடுத்து இப்பொழுது பெரிய பள்ளிவாசல் அமைந்திருக்கும் இடத்தில் மரங்களையும் இலுக்குகளையும் கிடுகுகளையும் கொண்டு சிறிய பள்ளிவாசலொன்றை தற்காலிகமாக அமைத்துக் கொண்டார்கள். இது முன்னர் முகைதீன் பள்ளிவாசல் என அழைக்கப்பட்டது.
12ஆம் நூற்றாண்டில் தஃவாப் பணிக்காக பக்தாத் நகரில் இருந்து முகைதீன் அப்துல் காதர் ஜெய்லானி அவர்களின் சிஷ்யர் இலங்கை வந்ததாகவும் அவர் அக்கால சிங்கள அரசனின் (கஜபாகு) புதல்வனது தீராத நோயைக் குணப்படுத்தியதினால் அவருக்கு அந்த அரசன் கரைவாகுவை பரிசாகக் கொடுத்து அங்கு காணப்பட்ட பள்ளிவாசல்களை முகைதீன் பள்ளிவாசல் என அழைக்கப்பட வேண்டும் என கட்டளையிட்டதாகவும் முன்னோர்கள் கூறுகின்றனர்.
இப்பள்ளிவாசல் 1691ஆம் ஆண்டளவில் மட்டக்களப்புக் கச்சேரியில் அடை அறவீட்டுக் கணக்கராக கடமைபுரிந்த சதக்குலெவ்வை என்பவரினால் பரிபாலிக்கப்பட்டு வந்துள்ளது. 1870ம் ஆண்டில் பிரதம மரைக்காயர் மீராலெவ்வைப் போடி வன்னியனார் காலத்தில் சுமார் 1000 பேர் தொழக்கூடிய இடவசதியுள்ள பள்ளிவாசலாக மாற்றம் பெற்றது. 1961ம் ஆண்டில் பிரதம மரைக்காயர் ஜனாப் மு.அ. அப்துல் கபூர் காலத்தில் பள்ளிவாசலின் முன்பக்கமாக மண்டபமொன்று அமைத்து முகப்பு வேலைகளும் செய்யப்பட்டு இப்பள்ளிவாசல் புதுப்பொலிவுடன் விழங்கியது. தற்போதைய பள்ளிவாசல் கட்டடம் சுமார் 5000 பேர் தொழக்கூடிய இடவசதி கொண்ட நவீன இருமாடிக் கட்டடமாக கட்டுவதற்கு 1985ம் ஆண்டு பிரதம மரைக்காயர் அல்ஹாஜ் M.I.M. மீராலெவ்வை காலத்தில் ஆரம்பித்து வைக்கப்பட்டு 2003ம் ஆண்டு பூர்த்தி செய்யப்பட்டது.

மரைக்கார் சபை நிர்வாகம்:

சாய்ந்தமருது மரைக்காயர் சபையின் 62 அங்கத்தவர்களும் இவ்வூரில் பிறந்து நிரந்தரமாக வாழும் குடி மரைக்காயர்மார்களாகும்.  இவர்கள் மூன்று ஆண்டுகளுக்கு ஒரு முறை வக்பு சபைச் சட்டத்தின் கீழ் நம்பிக்கையாளர்களைத் தெரிவு செய்வார்கள். நம்பிக்கையாளர்களாக நியமிக்கப்பட்டவர்களிலிருந்து உத்தியோகத்தர்கள் தெரிவு நடைபெறும். மரைக்காயர் நியமனத்தின் போதும் நம்பிக்கையாளர் தெரிவின் போதும் குடி ரீதியாகவும், மஹல்லா ரீதியாகவும் தகுதியானவர்களுக்கு பிரதிநிதித்துவம் வழங்கப்படும். முன்னர் முக்கிய பிரமுகர்கள், உத்தியோகத்தர்கள் என்ற வகையிலும் விசேட மரைக்காயர்மார்கள் தேவைக்கேற்ப நியமிக்கும் வழக்கம் இருந்துள்ளது. சகல விடயங்களிலும் மரைக்காயர் சபையும், நம்பிக்கையாளர் சபையும் இணைந்தே செயற்படுகின்றன.

ஜும்ஆப் பள்ளிவாசலின் புதிய யாப்பு 1999இல் அறிமுகப்படுத்தப்பட்டு, 22-01-2006ல் திருத்தப்பட்டது. இப்புதிய யாப்பின்படி மரைக்காயர் சபை ஷஷசாய்ந்தமருது – மாளிகைக்காடு இஸ்லாமிய சமய, சமூக, கலாசார பரிபாலன சபை என பெயர் மாற்றம் செய்யப்பட்டது. இச்சபை, சாய்ந்தமருது, மாளிகைக்காடுப் பிரதேசங்களில் உள்ள ஜும்ஆப் பள்ளிவாசல்களையும், ஏனைய பள்ளிவாசல்கள், குர்ஆன் மத்ரஸாக்கள், ஸியாரம்கள், மையவாடிகள் மற்றும் வக்பு செய்யப்பட்ட சொத்துக்கள், நிறுவனங்கள் ஆகியவற்றையும் நிர்வகித்து வருகின்றது. அத்துடன் சாய்ந்தமருதிலும், மாளிகைக்காடு, காரைதீவு பகுதிகளிலும் இஸ்லாமிய சமய, கலாசார, சமூகநல நடவடிக்கைகளைப் பரிபாலனம் செய்து வருகின்றது. முன்னர் மாவடிப்பள்ளிக்கிராமத்தின் சமய கலாசார நடவடிக்கைகள் சாய்ந்தமருது பெரிய பள்ளிவாசல் மரைக்காயர் சபையினாலேயே மேற்கொள்ளப்பட்டன.
மரைக்காயர் சபை செயற்பாடுகள்:
சமூக இணக்க செயற்பாடுகள்/ நீதி/ ஒழுங்கு ஆகியவை
கோடு, கச்சேரி, கிராம சபை இல்லாத காலத்தில் ஊரவர்களுக்கிடையில் ஏற்படும் பிணக்குகள் – சச்சரவுகளைக் குடும்பத் தலைவர்கள் ஓரிடத்தில் கூடி விசாரணை செய்து தீர்ப்பு வழங்கியுள்ளனர். இவ்வாறான பொது இடமாகப் பள்ளிவாயல் திகழ்ந்துள்ளது.
திருமணப்பிணக்கு, கொடுக்கல் வாங்கல்களில் மோசடி, காணிப் பிரச்சினை, மார்க்கத்திற்கு மாறான செயல்கள் என்பனவற்றை விசாரணை செய்து தீர்ப்பளித்து சுமூகமான வாழ்க்கைக்கு பள்ளிவாயல் உதவியது.
மேற்கூறிய விடயங்கள் விசாரணை செய்யும் அதிகாரம் குடும்பத்தலைவர்களிடமே ஒப்படைக்கப்பட்டிருந்தன. அவை பின்னர் மரைக்காயர் சபையாக மாறியுள்ளது.
ஊரில் திருமணப் பிணக்குகள் ஏற்பட்டால் மரைக்கார் சபையிடம் முறைப்பாடு கொண்டு செல்லப்படும். இது ஒரு வெள்ளிக்கிழமை ஜும்ஆத் தொழுகையின் பின்பே நடைபெற்றது. இதனைத் தீர விசாரணை செய்வதற்காக மரைக்கார் சபை கூடும்.
மரைக்கார் சபையின் தீர்வுகளை ஏற்காவிடின் உரியர்களுக்கு சில கட்டுப்பாடுகளை வைப்பர். அதனால் ஊர் மக்கள் மரைக்கார்மார்களின் மதியுரைகளைக் கேட்டு நம்பி நடந்தனர்.

பிரதம மரைக்காயர்மார்கள்

1. சதகுலெவ்வை (அடை அறவீட்டுக் கணக்கர் -மட்டக்களப்பு கச்சேரி)
2. ச.லெ. நெய்ந்தகண்டு
3. நெ.க. மீரா உசன்லெவ்வை
4. மீ.உ. தம்பி நெய்ந்தை காரியப்பர் (1817ல் மட்டக்களப்பு தென்பகுதி இஸ்லாமியர்களின் தலைவர் (காரியப்பர்)
5. த.நெ. மீரா உசையின் காரியப்பர் (பொலிஸ் தலைமை அதிகாரி)
6. த.நெ. மீராலெவ்வைப் போடி வன்னியனார் (மட்டக்களப்பு மாவட்ட முதல் முஸ்லிம் வன்னிமை)
7. த.நெ. முகம்மது காசிம்லெவ்வை ஹாஜியார் (பொலிஸ் விதானை)
8. மீ.உ.கா முஸ்தபாலெவ்வை போடியார் (பொ.த. பதிவாளர்,D.O)
9. மீராலெவ்வை போடி வன்னிமை முகம்மது யூசுப்லெவ்வை போடியார் (தோம்புதோர்)
10. மீராலெவ்வை போடி வன்னிமை முகம்மது மீராசாஹிபு லெவ்வை போடி மரைக்கார்
11. மு.கா. முகம்மது முகைதீன் காரியப்பர் (பொ.த)
12. மு.அ. அப்துல் ஹமீட்
13. மு.யூ. ஆதம்லெவ்வைப் போடி (பதிவாளர்) (1945)
14. மு.மீ. முகம்மதுக் காசீம் (குழந்தைப் போடியார்)
15. மு.யூ. ஆதம்லெவ்வை (வ.வி)
16. மு.அ. அப்துல் கபூர் மரைக்கார்
17. எம் வை.இஸ்மாலெவ்வை விதானை
18. எம் எம் ஆதம்பாவா (கி.ச. தலைவர்)
19. எம் சி. அஹமது (மு.பா.உ)
20. அல்-ஹாஜ்எம் ஐ எம் மீராலெவ்வை (ஓ.பெ.ஆங்கிலக்கல்வி அதிகாரி) (1983-2000)
21. அல்-ஹாஜ் M.C.A ஹமீட் (ஓ.பெ. அதிபர்) (2000-2001)
22. ஜனாப் I.A. முகைதீன் J.P (முன்னாள் ஆளணி முகாமையாளர்) (2002-2005, 2008)
23. அல்-ஹாஜ் Dr.M.I.M. ஜமீல் (2005-2007)
24. அல்-ஹாஜ் மௌலவி A.A.றஸ்ஸாக் (ஓ.பெ. மௌலவி ஆசிரியர், உலமாசபைத் தலைவர் (2007-2008)
25. அல்-ஹாஜ் M.C.A.அஸீஸ் (சட்டத்தரணி) (2001-2002, 2009-2012)
26. அல்-ஹாஜ் வை.எம். ஹனீபா (ஓ.பெ. அதிபர்) (2012-)

கேட் முதலியார் M S காரியப்பர்

கேட் முதலியார்  M S  காரியப்பர்

கல்முனையில் தீ விபத்து

கல்முனையில் இன்று அதிகாலையில் கடைத்தொகுதிகள் தீக்கிரையாகின.

மட்டக்களப்பு கல்முனை வீதியில் அமைந்துள்ள கடைத் தொகுதியில் உள்ள பிரபல புத்தக விற்பனை நிலையம் ஒன்றும் சேலை விற்பனை நிலையம் ஒன்றும் வை.எம்.சி.ஏ அலுவலகமும் இன்று அதிகாலையில் தீக்கிரையாகின.

அதிகாலையில் ஏற்பட்ட இத்தீவிபத்திற்கு காலை 7.00 மணியளவில்தான் கல்முனை மாநகர சபையின் தீயணைக்கும் வாகனம் சம்பவ இடத்திற்கு வருகை தந்தது என எமது செய்தியாளர் தெரிவித்துள்ளார்.

சாய்ந்தமருது பிரதேச செயலக விதாதா வள நிலையத்தினால் சான்றிதழ் வழங்கும் நிகழ்வு

Saturday, July 2, 2011சாய்ந்தமருது பிரதேச செயலக  விதாதா வள  நிலையத்தினால் நடாத்தப்பட்ட கணணிப்பயிற்சி நெறியினை  புர்த்தி செய்த இளைஞர் யுவதிகளுக்கு சான்றிதழ் வழங்கும் நிகழ்வொன்று இன்று மாலை சாய்ந்தமருது   இளைஞர் வளநிலைய கேட்போர் கூடத்தில் விஞ்ஞான தொழில்நுட்ப உத்தியோஸ்தர்  எல். அஸ்வர் தலைமையில் இடம்பெற்றது.

பிரதம  அதிதியாக சாய்ந்தமருது பிரதேச செயலாளர் ஏ.எல்.எம்.சலீம் பிரதம அதிதியாகவும் கௌரவ அதிதியாக பிரதேச செயலக கணக்காளர் எம்.எம். உசைனா வும் கலந்து கொண்டனர்.

 

உலகில் மிகவும் செல்வாக்குள்ள 500 முஸ்லிம் பிரமுகர்களுள் ஒருவராக தெரிவு செய்யப்பட்டுள்ள சாய்ந்தமருதைச் சேர்ந்த தேசபந்து ஜெஸீமா இஸ்மாயிலை பாராட்டி கல்முனை மஹ்மூத் மகளிர் கல்லூரியில் கௌரவிக்கும் நிகழ்வு .

உலகில் மிகவும் செல்வாக்குள்ள 500 முஸ்லிம் பிரமுகர்களுள் ஒருவராக தெரிவு செய்யப்பட்டுள்ள சாய்ந்தமருதைச் சேர்ந்த தேசபந்து ஜெஸீமா இஸ்மாயிலை பாராட்டி கௌரவிக்கும் நிகழ்வு இன்று சனிக்கிழமை கல்முனை மஹ்மூத் மகளிர் கல்லூரி சேர் ராசிக் பரீட் கேட்போர் மண்டபத்தில் இடம்பெற்றது.

அம்பாறை மாவட்ட சர்வ சமய சம்மேளனத்தின் தலைவர் டாக்டர் எம்.ஐ.எம்.ஜெமீல் தலைமையில் இடம்பெற்ற பாராட்டு விழா நிகழ்வில் கொழும்பு பல்கலைக்கழகத்தின் முன்னாள் மருத்துவ பீட பீடாதிபதி கலாநிதி மஹ்ருப் இஸ்மாயில் பிரதம அதிதியாகவும் உள்ளுராட்சி மற்றும் மாகாண சபைகள் அமைச்சர் ஏ.எல்.எம்.அதாஉல்லா விஷேட அதிதியாகவும் , கல்முனை மாநகர மேயர் மசூர் மெளலானா மற்றும் காத்தான்குடி நகர சபை உருப்பினர் சல்மா அமீர் ஹம்சா கெளரவ அதிதியாகவும் கலந்து கொண்டனர்.

 

கல்முனை ஸாஹிரா தேசியக்கல்லூரியில் கடந்த பலவருடங்களாக ஆசிரியர்களாக பணியாற்றி மாணவர்களின் கல்வி வளர்சியில் பெரும் பங்காற்றி ஓய்வு பெற்றுச் செல்லும் ஆசிரியர்களுக்கான பிரியாவிடை

Tuesday, June 28, 2011

கல்முனை ஸாஹிரா தேசியக்கல்லூரியில் கடந்த பலவருடங்களாக ஆசிரியர்களாக பணியாற்றி மாணவர்களின் கல்வி வளர்சியில் பெரும் பங்காற்றி  ஓய்வு பெற்றுச் செல்லும் ஆசிரியர்களுக்கான பிரியாவிடை வைபவமொன்று கல்லூரியன் எம்.எஸ்.காரியப்பர் கூட்ட மண்டபத்தில் இடம்பெற்றது.

சாய்ந்தமருது இஸ்லாமிய வழிகாட்டல் நிலையத்தின் சிறுவர் மதரஸா மாணவர்களுக்கான வருட்ந்த பரிசளிப்பு நிகழ்வு

Monday, June 27, 2011 :

சாய்ந்தமருது இஸ்லாமிய வழிகாட்டல் நிலையத்தின் சிறுவர் மதரஸா மாணவர்களுக்கான வருட்ந்த பரிசளிப்பு நிகழ்வு நடைபெற்றது.

பொறியியளாலர் எம்.ஐ.ஐ.ஜெஸீல் தலைமையில் இடம்பெற்ற இந்நிகழ்வில் சாய்ந்தமருது அல்-இஸ்லா ஜும்ஆ பள்ளித் தலைவர் சதக்கத்துள்ளாஹ் மஸ்ஜிதுல் ஹுதா பள்ளித்தலைவர் எம்.ஹக்கீம் உட்பட அமமைப்பின் அங்கத்தவர்களும் கலந்து கொண்டனர்.